1. Allah mai yin halitta,
Ban shi ba mai iya
ta,
Ka amshi addu’ata,
2. Ka yo daɗin salati,
Ga manzo baban
Fati,
Saka da ahli
baiti,
Sahabu masu gata.
3. A zuci yau da hazzo,
Gare ku ga shi na
zo,
Ku tattaro ku
zozzo,
Ga kukan zuciyata.
4. An karya duk lagona,
An rusa tanadina,
Na saɓa alƙawarna,
Da nai ga zuciyata.
5. Na dai faɗi a baya,
A SO ni ba ni ƙarya,
Na SO na yo
soyayya,
Da dukka zuciyata.
6. A sannu-sannu sai ko,
Kwatsam na faɗa tarko,
Na SO da ke da ƙarko,
An kame zuciyata.
7. Gidanmu sunka yarje,
Har ma da kansu
sun je,
Gidansu don a aj
je-
Zance na soyayyata.
8. Ba ai musu ga su ba,
Batunsu ba a yar
ba,
Murna da ba kaɗan ba,
Na bar wa zuciyata.
9. Loton ina Gusau ne,
Aiki ba na a zaune,
Sai dai batun ku
gane,
Ya kame zuciyata.
10. Nakan yi saƙe-saƙe,
Har ma na sa a waƙe,
Fatana dai mu sarƙe,
A SO da nuna gata.
11. Nai dukka tanadina,
Na wasa kalmomina,
Na tsara
zantukana,
Zan sami sahibata.
12. Har ma na tsara waƙa,
Sunanta ne na saƙa,
Da zummar in na miƙa,
Ta amshi gayyatata.
13. Na laƙƙe wa yayanta,
Don tambaya a
kanta,
Domin sanin
halinta,
Gudun saɓa ƙa’idarta.
14. Tun ma kafin mu gana,
Na ba ta dukka ƙauna,
Na ayyana a raina,
Na ba ta zuciyata.
15. Na labarta ta sannan,
Wurin abokanan
nan,
Nawa da malaman
nan,
Matsayin tauraruwata.
16. Bayan na je ni salla,
Ita ma ta zo
hamdalla,
Na ƙagu dai a ƙalla-
Na kalli jarumata.
17. Ranar salla na je ni,
Gidansu don
bayani,
Mun keɓe ga ta ga ni,
Na ba ta akkalata.
18. Gare ni ta amince,
Murna kamar in
zauce,
A nan mu kai ta
zance,
Da ni da jarumata.
19. Kamar mu kwana zaune,
Shauƙi da soyayya ne,
Amma da nay yi
aune,
Na dafe zuciyata.
20. Gare ta na nazarta,
Abin da na
fahimta,
A zuci mun
bambanta,
Da ni da sahibata.
21 Aiki take da buri,
Ni ko na yo
inkari,
Cikin salo da
tsari,
Gare ta jarumata.
22. In dai gajarce zance,
Haka muka kasance,
Ra’ayinmu a
bambance,
Ni da tauraruwata.
23. Washegari mun zauna,
Mu kai hirar
lumana,
A ƙarshe nai bayana,
Gare ta ‘yar uwata.
24. Cikin kurman baƙi ne,
Salon da za ta
gane,
Na zayyano batu
ne,
Ƙoluluwar fahimta.
25. Na so a ruffe zance,
Har ran da zai
kasance,
Karatunta ta
kammalce,
Ta huta sahibata.
26. Amma na yo tunani,
Abin ko ya dame
ni,
Da shi na kwan na
yini,
A zuci ina tuna ta.
27. Idan a ce na share,
Mu kai nisa a
tare,
Ƙarshe mun ka ware,
Na cuci sahibata.
28. Tamkar fa yaudara ce,
A ce wai mun
kasance,
Ƙarshe na zo na
kauce,
Na bar ta jarumata.
29. Na tuntuɓi ƙanina,
Na ce ni ra’ayina,
Kaza-kaza ke
raina,
Bamban da sahibata.
30. Ya ba ni shawararsa,
Ya ce fa shi
ganinsa,
Idan mu kay yi
nisa,
To an riga an ɓata.
31. Na sam Nazifi nawa,
Ya ce na yo
komawa,
In nemi sasantawa,
Da ni da sahibata.
32. Na je ga ‘yar uwata,
Wato nufi yayata,
Ta nuna damuwarta,
Ga ni da jarumata.
33. Abin ya cushen kayi,
Na rassa yadda zan
yi,
Ƙarshe na ce abin
yi-
In samu sahibata.
34. Bayan isha mun zauna,
Na furta ƙuddurina,
Batun fahimtar
juna,
Da ni da jarumata.
35. Na ce na san da tun da,
Kina da buri na
gida,
Yaya kike son sa
tun da?
Su’ali sahibata.
36. Wato me ra’ayinki?
A kan aure,
gidanki?
Ya kike so ki gan
ki?
A nan na tambaye ta.
37. Ta ce miji na gari,
Da zuri’ar
alkairi,
Nan ta tuƙe ba ƙari,
Ga amsa tambayata.
38. Ta ce sai ni in fara,
Abin da duk na
tsara,
In bayyana ƙarara,
Na kalli sahibata.
39. A ƙarshe dai na
furta,
Ba na biɗar matata,
Ta yo aiki da
kanta,
Na fita ta bar gidanta.
40. Na ce to yanzu amman,
Ga fili na
musamman,
Ja ra’ayina kan
wannan,
Ko ki dawo jam’iyata.
41. Bayaninta kaɗan ne,
Ta nuna taimako
ne,
Na ce in ko hakan
ne,
Tambaya sahibata-
42. Idan fa wagga aiki,
Ba a biya gare ki,
Ko sisi ba a ba
ki,
Za ki yi sahibata?
43. Ta ce ko za ta yi shi,
Gare ta nai
murmushi,
Sannan na ja
numfashi,
Bayan na fuskance ta.
44. Idan miji na aiki,
Sannan mata na
aiki,
Ki yi tunani da
kanki,
Ya ne fa zai zamanta?
45. Gidan ga za a kulle,
Ɓarayi ko za su ɓalle,
Ko katanga su
tsalle,
Ba mai hana su sata.
46. Ko mai gadi ya zauna,
Domin guje wa ɓarna,
To duk ciki wane
na,
Zai kama zuciyata?
47. Dubo batu na ƙaruwa,
‘Ya’yan sun fara
taruwa,
Gidan su wa ake
kaiwa?
Ya saɓa falsafata.
48. Yawo in har ka saba,
Ba za ka so hani
ba,
Ƙarshe ka yo
tababa,
Ya karya ƙa’idata.
49. Abin da duk ake yi,
Yaro harda yake
yi,
Shi ma ko za yana
yi,
Tarbiya ko lalata.
50. Yaron da anka kai shi,
Wurin aiki to ko
shi,
Halaye na nan gare
shi,
Za ya ɗau manufata.
51. Idan mata ta zauna,
Dutin dare mu
auna,
Gida miji ya
kwana,
Shi da ‘yan ɗiyanta.
52. Idan miji ya ƙosa,
Juriyar ya kasa,
Sabon aure ya
kwasa,
Ta ga an ware ta.
53. In amaryar ba ta aiki,
Dukkan takardu na
kirki,
Zai kai su nata ɗaki,
Mataimakiya ce ita.
54. Akwai gida a ƙalla,
Idan aika anka ƙulla,
Zuwa gidan ko
walla,
Ta yiwu a rasa ta.
55. Samun matar sai ƙila,
Mijin mu ce ya-Alla,
Akwai tarin
wahala,
Idan babu mata gida.
56. Ban da ma fa zargi,
Da za a yo gare
ki,
Domin fitanki
aiki,
Haɗuwar maza da mata.
57. Ban da ma fa kishi,
Ga shi miji da
kanshi,
Idan ya ga
waninshi,
Yana ɗumi da mata.
58. Idan katse labari,
Na yo bayani tari,
Na ce akwai
inkari?
Na tambai sahibata.
59. Ta fara yin bayani,
Da zan bari gare
ni,
Na kwa ji ba gare
ni,
Kalaman sahibata.
60. A nan na sake lura,
Ba saura na
dabara,
Sai ko in za na
tsara,
Ƙarya ga sahibata.
61. Wato na ɗai amince,
Alhali yaudara ce,
Bayan aure mu
kece,
Ni da sahibata.
61. Da dai ni nai ƙarya,
Gwara shirin ya
tsaya,
Mutunci ya fi
soyayya,
Ba ni ƙarya ga mata.
62. Ban ce aiki ba kyau ba,
Ba a yi ba shiri
ba,
Special plan ba,
Shi ne ɗai mannufata.
63. Ni ba ni son tilastawa,
‘Yanci na nan ga
kowa,
Tunani na kan saɓawa.
Kowa da tasa fahimta.
64. Ba ni zaɓi a ƙarshe,
Na yi amai na
lashe,
Tabarmar so na
kwashe,
Da ɗai ta zam ƙanwata.
65. Na zaɓi in rasa ta,
A kan dai in tauye
ta,
Ra’ayi in hana ta,
Na haɗiye soyayyata.
66. Tuni na alƙawarta,
Zan yi addu’a
gareta,
Samun miji irinta,
Mai ra’ayin aikinta.
67. Ni ban yi yaudara ba,
Ban ko saka a rai
ba,
Ni za a yaudaren
ba,
‘Yanci ne manufata.
68. A nan ne zan taƙaita,
Abu-Ubaida yai ta,
Ɗan Sani za ni
huta,
In reni zuciyata.
journal/Poempdf-https://youtu.be/CyaIV1GUG_g
paper-https://youtu.be/CyaIV1GUG_g
