Na
Abu-Ubaida Sani
Tsakure
Tuni intanet ya zama wani ɓangaren rayuwar ‘yan’adam. A zuwa ƙarshen shekarar 2020, akwai a ƙalla manyan kafofin intanet na Hausa guda arba’in da huɗu (44). Lura da haka, ya zama dole a gudanar da nazarce-nazarce a wannan fanni. Manufar wannan bincike ita ce nazartar al’adun Hausawa a cikin duniyar intanet domin tantance inda aka fito, da inda aka kwana, tare da ƙoƙarin samar da matakan inganta makoma. Farfajiyar binciken ba ta wuce al’adun Hausawa da ke cikin duniyar intanet ba. An yi amfani da manyan hanyoyi biyu domin gudanar da binciken, wato hira da ƙwanƙwance ƙunshiyar kafafen intanet kai tsaye. An yi amfani da ra’in Pulatoriyya (Platonism) wajen gudanar da binciken inda aka ɗauki intanet a matsayin duniya mai zaman kanta. Sannan an yi amfani da hanyar ɗora aiki da ta dace da tunanin Bahaushe cewa “zamani riga ce.” Binciken ya tabbatar da cewa, akwai matsaloli da dama da ke dabaibaye da kasancewar Hausa a duniyar intanet, ciki har da matsalolin da suka shafi ƙarancin ilimin Hausar ga masu gudanar da kafafen. Daga ƙarshe binciken ya ba da shawarwari da suka haɗa da kira ga waɗanda abin ya shafa, ciki har da hukumomi da malamai da manazarta, da su waiwaici al’amarin Hausa a duniyar intanet domin samar da kyakkyawan wakilci.
Abstract
The internet
has become an indispensable aspect of human life. By the end of 2020, there
were at least 44 highly visited Hausa websites with diverse contents and high
online visibility that brought about the need to research “Hausa on the
internet.” However, this research is set to analyze Hausa culture on the
internet with the view of determining ways to improve its future. The scope of
the study is limited to Hausa culture within the domain of the internet. The
study methodologically used interviews and online textual analysis in obtaining
the research data. Platonism is adapted as a theory that guides the research,
on the basis of which the research opines the existence of a physical world and
an incorporeal world – the latter being the internet. It is also based on the
Hausa philosophy that “zamani riga ce” (change before you have to). The
research confirms Hausa websites and blogs face a lot of challenges one of
which is inadequate knowledge of the language by the websites and/or blogs
administrators. Individuals and authorities concerned - including agencies,
departments, instructors, and researchers - should make efforts to ensure
adequate representation and presentation of Hausa on the internet.
